Իրիկունը ոսկի լիճ մ՚է արիւնի՜... La sera è un lago d'oro e di sangue di Hrand Nazariantz

Որբուհիի մը համար

Իրիկունը ոսկի լիճ մ՚է արիւնի՜...

- Ո՜վ տրտում քոյր, ո՜վ լացող քոյր, որբի՜կ քոյը -

Ուր մահակիր գանկի մը պէս ի Հոդիս

- Ո՜վ դժոխքիս եդեմաստուեր քրմուհի -

Վերջալոյսին արիւնին մէջ կը սուզի...:

ԳաՀազո՜ւրկ, ծե՜ր արքայ մըն է իմ հոգիս...

Հալածական մեր Ցեղին պէս խելագա՜ր,

Ատելութեան բարձունքներէն կու գայ վար.

Անծանօ՜թ քոյր - իր չարաշուք կմախքէն

Բոպիկ ոտքերդ, մահանո՜ւշ քոյր, Հեռո՜ւ տար.

Ա՜խ, կը լսե՞ս, գիւղակներուդ Հեռաւոր

Զանգակներո՜ւ, զանգակներո՜ւ ծերունի

Աղաչաւո՜ր ղօղանջները ահաւո՜ր...

Քո՜յր, իր հոգիս է իրիկուն մը ջարդի,

Եղեռնակոծ, ահապատում - Արիւնի՜

Ու Արցունքի՜, ու Մոխիրի՜ իրիկուն...:

ՀՐԱՆՏ ՆԱԶԱՐԵԱՆ